Մսով բլինչիկ

Սկսենք նրբաբլիթի խմորը պատրաստելուց։ Բոլոր բաղադրիչները, բացի ալյուրից, լավ խառնել։ Այնուհետև անընդհատ հարելով փոքր քանակներով ավելացրեք ալյուրը: Լավ խառնելու արդյունքում ստացվում է առանց գնդիկների խմոր։

Սովորաբար յուրաքանչյուր հայկական տանը բլինչիկի համար թավա է լինում։ Ննրբաբլիթների համար նախատեսված տապակի հատակին մի փոքր կտոր կարագ քսել և մեծ փայտե գդալով լցնել խմորի անհրաժեշտ քանակությունը։
Անհրաժեշտ է, որ խմորը միլիմետրային շերտով ծածկի թավայի ողջ հատակը։ Նրբաբլիթը երկու կողմից տապակել։
Պատրաստի նրբաբլիթները դնել սրբիչի վրա և թողնել հովանա։

Մինչ նրբաբլիթները սառչում են, սկսում ենք պատրաստել բլինչիկների մսային միջուկը։
Սոխը տապակել ձեթի մեջ։ Սոխով տապակի մեջ ավելացնել տավարի աղացած միսը և փակ կափարիչով տապակել մարմանդ կրակի վրա։

Աղ և պղպեղ ավելացնել: Տապակած ֆարշը վերցնում ենք կրակից և թողնում, որ սառչի։

Նրբաբլիթի յուրաքանչյուր թերթիկի վրա ճաշի գդալով մի փոքր աղացած միս դրեք:

Փաթաթում ենք հայկական բլինչիկը։ Հայերենով ասած աղացած միսը գլորում ենք նրբաբլիթների մեջ:

Փաթաթելուց հետո կարելի է ասել, որ մսով բլինչիկները պատրաստ են։
Այս ձևով բլինչիկները սառնարանի զրոյական խցիկում կամ սառցարանում կարելի է պահել երկար ժամանակ, և տապակել կամ տաքացնել մատուցելուց անմիջապես առաջ։
Սակայն, որպեսզի դրանք դառնան "մսով հայկական բլինչի"», անպայման պետք է տապակել։

Հայկական մսով բլինչիկը պետք է տապակել երկու կողմից, մինչև մակերեսը պատվի վարդագույն կեղևով։

Հայկական մսային նրբաբլիթները, բլինչիկները, հիմնականում մատուցվում են որպես տաք նախուտեստ։