Խոճկոր ջեռոցում

Պատրաստումը սկսելուց առաջ խոճկորը պետք է պատշաճ կերպով մշակվի։ Հեռացրեք մարմնի վրայի կապտուկները, անասնաբուժական ծառայությունների կնիքի հետքերը (մաշկը պետք չէ հեռացնել, պարզապես քերել), ինչպես նաև մազերը, որոնք միշտ մնում են ականջներում և ոտքերի արանքում:
Մազերը լավագույնս հեռացվում է բոցով: Եթե ​​խոճկորը փոքր է, դա կարելի է անել հենց խոհանոցում, գազօջախի վրա:
Մեծ խոզի մազերը մաքրում են բակում, փչող ջահով:

Մաքրված խոճկորը լավ լվացեք տաք ջրով։ Խոզի մարմնին քսեք աղ և համեմունքներ, ինչպես դրսից, այնպես էլ ներսից:
Առնվազն 8–10 ժամ հանգիստ թողեք սենյակային ջերմաստիճանում։
Ընտրեք համեմունքներ ձեր ճաշակով, կարող եք օգտագործել խոզի խորովածի մարինադ:
Համեմունքների հոտերը մսի մեջ ամբողջությամբ փոխանցելու համար խոճկորի մարմինը փաթաթեք սննդի համար նախատեսված թաղանթով կամ դրեք մեծ պլաստիկ տոպրակի մեջ:

Ճիշտ կլինի աղը և համեմունքները քսել երեկոյան, որպեսզի խոճկորը մարինացվի ամբողջ գիշեր։
Առավոտյան խոճկորը հանեք տոպրակից և մաշկը չորացրեք թղթե կամ խոհանոցային սրբիչով։

Մաշկը չորացնելուց հետո անհրաժեշտ է որոշել լցոնման տեսակը։ Սովորաբար խոճկորի փորը լցոնում են արտաքին տեսքը պահելու համար, քանի որ ջեռոցից հետո դատարկ խոճկորը կարող է փոխել իր ձևը:
Շատ տնային տնտեսուհիներ որպես միջուկ օգտագործում են սոխով տապակած հնդկաձավար։ Կարող եք նաև օգտագործել բանջարեղեն և մրգեր:
Եթե ​​որոշել եք հնդկաձավար օգտագործել, ապա հնդկաձավարը եռացրեք և սոխի հետ տապակեք թավայի մեջ։

Խոճկորի փորը լցրեք տապակած հնդկաձավարով։ Լցրեք բոլոր խոռոչները, որպեսզի խոճկորը կենդանի խոզի տեսք ունենա:

Եթե ​​որոշել եք բանջարեղեն կամ մրգեր ավելացնել, ապա դրանք նույնպես դրեք խոճկորի փորի մեջ։

Որովայնի խոռոչը կարելու համար օգտագործեք մոտ 10 սմ․ երկարությամբ փայտյա շամփուրներ։ Խոճկորի որովայնի կտրվածքի եզրից 2,5 սմ․ խորքից շամփուրով ծակեք որովայնի կտրվածքի երկու հակառակ եզրերի հոդերը։ Շամփուրների միջև հեռավորությունը պետք է լինի 2,5 սմ։ Շամփուրների քանակը կախված է որովայնի կտրվածքի երկարությունից։
Շամփուրները անցկացնելուց հետո վերցրեք մոտ մեկ մետր երկարությամբ թել և փաթաթեք շամփուրները «ութ թվի» տեսքով (դիտեք կցված նկարը)։ Կարի համար օգտագործեք հաստ բամբակյա թել:
Որպեսզի խոճկորի որովայնի կտրվածքի եզրերը փակվեն, անհրաժեշտ է փաթաթելիս թելը հնարավորինս ձգել։ Վերջում հանգույց կապեք և ավելորդ թելը հանեք։

Որովայնը կարելուց հետո խոճկորի ամբողջ մարմինը սրբեք օղիով Սա կհեռացնի խոնավությունը, որը գտնվում է խոճկորի մաշկի վրա:
Այնուհետև խոճկորի մարմնին քսեք հալած յուղ: Մի խնայեք յուղը, այն կնպաստի, որպեսզի պատրաստված խոճկորը ոսկեգույն դառնա։
Ականջները, պոչը և մռութը փաթաթեք փայլաթիթեղի մեջ, որպեսզի չայրվեն։ Պոչը կարելի է ոչ թե փաթաթել, այլ մարմնի վրա փոքր անցք անել (հետանցքը նույնպես հարմար է) և այնտեղ գցել։
Խոճկորի բերանում դրեք փայլաթիթեղի գնդակ կամ կարտոֆիլ, որպեսզի բերանը բաց մնա: Դա արվում է, որ գլխի ներսը հում չմնա։
Ցանկալի է, որ խոճկորը թխման սկուտեղի վրա փորը ցած պառկեցվի։ Եթե չհաջողվի, ապա ոչինչ, մի նեղվեք:

Ջեռոցի սկուտեղին առատորեն քսեք ձիթապտղի կամ բուսական յուղ և այնտեղ պառկեցրեք խոճկորը: Եթե ​​ձեր խոճկորը հաստլիկ է, ապա սուր դանակով մեջքի վրա մակերեսային կտրվածքներ արեք։
Ջեռոցը տաքացրեք մինչև 200 աստիճան և այնտեղ ուղարկեք խոճկորվ սկուտեղը։