Հավի ոտք խմորի մեջ

Մինչ կարտոֆիլը եփվում է, մաքրեք սոխը և մանր կտրտեք։ նույնը արեք սնկերի հետ։
Քիչ, բայց բավարար քանակությամբ բուսական յուղի մեջ տապակել սոխը մինչև շագանակագույն երանգ ստանա: Ավելացնել մանր կտրտած սունկը և տապակել սոխով մինչև ամբողջ հեղուկը գոլորշիանա:
Աելացնել աղ և աղացած պղպեղ ըստ ճաշակի:

Խաշած կարտոֆիլը տրորել՝ ավելացնելով կարագ, սերուցք (կաթ) և համեմունքներ ըստ ճաշակի։
Կարտոֆիլի պյուրեն խառնել տապակած սնկի և սոխի հետ։ Թողնել սառչի։

Հավի ազդրերը լավ լվացեք, չորացրեք թղթե սրբիչներով և համեմեք աղով և պղպեղով:
Հավի ոտքերը տապակել թավայի մեջ քիչ քանակությամբ բուսական յուղով։
Տապակած ոտքերը թողեք մի քիչ սառչի:

Գրտնակել փափուկ շերտավոր խմորը և այն քառակուսիների բաժանել այնպես, որ յուրաքանչյուր ոտքի համար լինի մեկ կտոր՝ այս դեպքում՝ վեց։
Հավի ազդրիկների միջին չափի համար քառակուսիները պետք է լինեն 15–20 սմ չափս։
Յուրաքանչյուր քառակուսի խմորի կենտրոնում դնել սնկով և կարտոֆիլով պատրաստված մի փոքր խյուս, ապա ոտքը դնել մեջտեղում՝ ոսկորը վերև։

Խմորը փաթաթում ենք միջուկի շուրջը՝ ձևավորելով տոպրակ, պարկ։ Ծայրերն ամրացրեք թելով։ Պարկերի ձևավորման գործընթացում անհրաժեշտ է վերահսկել խմորի ամբողջականությունը։
Ջեռոցում պատրաստելու համար ձևամանի մեջ թխվածքի համար նախատեսված թուղթ փռեք, կամ հատակին յուղ քսեք, եթե թուղթ չկա։:
Խմորի մեջ փաթաթված հավի ոտքերը շարել ձևամանի մեջ։ Ոսկորները պետք է փաթաթել փայլաթիթեղով, որպեսզի այս հատվածը չայրվի։

Ջեռոցը տաքացրեք մինչև 180 աստիճան և այնտեղ ուղարկեք հավի ոտքերով ձևամանը։
Քանի որ միջուկի բաղադրիչներն արդեն պատրաստ են, թխելու համար բավական կլինի 15–20 րոպե։