Ծովատառեխով և բանջարեղենով աղցան

Նախ պետք է նախապատրաստել, մասնավորապես, խաշել աղցանի համար անհրաժեշտ բանջարեղենը։ Չմաքրած կարտոֆիլը, գազարն ու ճակնդեղը դնել խորը կաթսայի մեջ, լցնել սառը ջրով և եռացնել ուժեղ կրակի վրա։
Եռալուց հետո կրակը թուլացնել և բանջարեղենը եփել մինչև ամբողջովին խաշվի:

Հավկիթը պինդ խաշել։

Պատրաստի բանջարեղենն ու խաշած ձվերը հովացրեք, ապա կեղևահան արեք դրանք։ Սոխը նույնպես մաքրել։
Մաքրեք ծովատառեխների փորերը և հնարավորինս հանեք ոսկորները:

Այժմ կարող եք սկսել մանրացնել բոլոր բաղադրիչները։ Ծովատառեխը, կարտոֆիլը, գազարը և ձվերը կտրատել փոքր խորանարդների տեսքով։ Սոխը մանր կտրտել և դառնությունը հեռացնելու համար դնել մաղի մեջ և վրան լցնել եռման ջուր։ Ճակնդեղը քերել, որպեսզի աղցանի վերին շերտը ավելի ազդեցիկ տեսք ունենա։

Աղցան կարելի է ձևավորել ինչպես մեծ աղցանի ամանի մեջ, այնպես էլ չափաբաժիններով՝ օգտագործելով թխվածքի համար նախատեսված սիլիկոնից կաղապարներ։ Եթե ​​նման աման կամ կաղապար չկա, ապա կարող եք օգտագործել պլաստիկ շիշ՝ դրանից օղակ կտրելով։
Կաղապարը կամ օղակը դրեք ափսեի կենտրոնում և ամենացկզբից դրեք ծովատառեխը: Սեղմեք հրիչով, կամ որևիցէ այլ բանով:

Ծովատառեխի շերտին քսել մայոնեզով և դնել վրան սոխի կտրտած շերտ։

Այնուհետև դնել կարտոֆիլից շերտ և նույնպես քսել մայոնեզով:

Այնուհետև դնել գազարի շերտը և նույնպես մայոնեզ քսել։

Ձվերից շերտ դնել և նույնպես ծածկել մայոնեզով։